<
கூழாங்கற்கள் கடத்தி வந்த லாரி பறிமுதல்; டிரைவர் கைது
திருமானூர் அருகே கூழாங்கற்கள் கடத்தி வந்த லாரியை போலீசார் பறிமுதல் செய்து, டிரைவரை கைது செய்தனர்.
கீழப்பழுவூர்:
லாரியை மறித்து சோதனை
அரியலூர் மாவட்டம் திருமானூர் ஒன்றியத்துக்கு உட்பட்ட கோவிலூர் கிராமத்தில் திருமானூர் போலீசார் ரோந்து பணியில் ஈடுபட்டனர். அப்போது கோவிலூர் பஸ் நிறுத்தம் அருகே அந்த வழியாக வந்த மினி லாரியை மறித்து சோதனையிட்டனர்.
அப்போது அந்த லாரியில் கூழாங்கற்கள் ஏற்றி வரப்பட்டது தெரியவந்தது. இது பற்றி அந்த லாரியை ஓட்டி வந்த டிரைவரிடம் போலீசார் விசாரணை நடத்தினர். இதில் அவர் அதே கிராமத்தை சேர்ந்த அன்பழகனின் மகன் அறிவழகன்(வயது 29) என்பதும், அனுமதியின்றி லாரியில் கூழாங்கற்கள் ஏற்றி வரப்பட்டதும் தெரியவந்தது.
கைது
இது குறித்து போலீசார் வழக்குப்பதிவு செய்து, அறிவழகனை கைது செய்து அரியலூர் நீதிமன்றத்தில் ஆஜர்படுத்தி சிறையில் அடைத்தனர். மேலும் லாரியை பறிமுதல் செய்த போலீசார், அதே கிராமத்தை சேர்ந்த லாரி உரிமையாளர் வெற்றிச்செல்வனை வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
