<
மோட்டார் சைக்கிள் திருடிய 2 பேர் சிக்கினர்
வேடசந்தூரில் ேமாட்டார் சைக்கிள் திருடிய 2 பேரை போலீசார் கைது செய்தனர்.
வேடசந்தூர்:
வேடசந்தூர் வ.உ.சி. நகரில் பூவேந்தன் என்பவர் கடந்த 4-ந்தேதி வீட்டின் முன்பு தனது மோட்டார் சைக்கிளை நிறுத்தியிருந்தார். அந்த மோட்டார் சைக்கிளை மர்ம நபர்கள் திருடி சென்றனர். இதுகுறித்து வேடசந்தூர் போலீசில் அவர் புகார் கொடுத்தார். அதன்பேரில் போலீசார் வழக்குப்பதிவு செய்து மர்மநபர்களை தேடி வந்தனர்.
இந்தநிலையில் ரெட்டியார்சத்திரத்தில் போலீசார் வாகன சோதனையில் ஈடுபட்டிருந்தபோது, மோட்டார் சைக்கிளில் 2 வாலிபர்கள் வந்தனர். அவர்களை நிறுத்தி போலீசார் நடத்திய விசாரணையில், அவர்கள் ரெட்டியார்சத்திரத்தை சேர்ந்த பாரத் (24), மருதமுத்து (23) என்பதும், அவர்கள் ஓட்டிவந்தது.
பூவேந்தனின் மோட்டார் சைக்கிள் என்பதும் தெரியவந்தது. மேலும் 2 பேரும் மோட்டார் சைக்கிளை திருடியதை ஒப்புக்கொண்டனர். இதையடுத்து அவர்கள் 2 பேரையும் போலீசார் கைது செய்தனர். அவர்களிடம் இருந்த மோட்டார் சைக்கிள் பறிமுதல் செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
