ஆட்டோ மீது லாரி மோதி2 பேர் பரிதாப சாவு

குருபரப்பள்ளி, செப்.9-

குருபரப்பள்ளி அருகே லாரி மோதி 2 பேர்பலியாயினர்.

கிருஷ்ணகிரி மாவட்டம் குருபரப்பள்ளி அருகே மேலுமலை பக்கமாக நேற்று இரவு ஆட்டோ ஒன்று கிருஷ்ணகிரி நோக்கி வந்து கொண்டிருந்தது. அப்போது பின்னால் வந்த கன்டெய்னர் லாரி முன்னால் சென்று கொண்டிருந்த கார் மற்றும் ஆட்டோ மீது மோதியது.

இதில் ஆட்டோவில் சென்ற நவீன் மற்றும் ஜாபர் ஆகிய 2 பேரும் சம்பவ இடத்திலேயே பலியானார்கள். இவர்கள் 2 பேரும் விழுப்புரம் மாவட்டத்தை சேர்ந்தவர்கள். விபத்து குறித்துதகவல் அறிந்ததும் குருபரப்பள்ளி போலீசார் சம்பவ இடத்திற்கு சென்று விபத்தில் பலியான 2 பேரின் உடல்களை மீட்டு பிரேத பரிசோதனைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து குருபரப்பள்ளி போலீஸார் வழக்குப்பதிவு செய்து விசாரணை நடத்தி வருகிறார்கள்.