<
ஊட்டி அருகே வனப்பகுதியில் ஆண் பிணம் மீட்பு
ஊட்டி அருகே வனப்பகுதியில் ஆண் பிணம் மீட்கப்பட்டது.
ஊட்டி,
ஊட்டி அருகே தலைகுந்தா வனப்பகுதியில் ஆண் பிணம் கிடப்பதாக போலீசாருக்கு தகவல் கிடைத்தது. இதைத்தொடர்ந்து போலீசார் சம்பவ இடத்துக்கு விரைந்து சென்று பார்வையிட்டனர். அப்போது அந்த நபர் இறந்து 3 நாட்கள் இருக்கும் என்பதால் உடல் அழுகிய நிலையில் கிடந்தது தெரியவந்தது.
இறந்த நபருக்கு 45 வயது இருக்கும் என்று போலீசார் தெரிவித்தனர். தொடர்ந்து பிணத்தை கைப்பற்றி ஆம்புலன்ஸ் மூலம் பிரேத பரிசோதனைக்காக ஊட்டி அரசு தலைமை மருத்துவமனைக்கு அனுப்பி வைத்தனர். வனப்பகுதியில் இறந்து கிடந்த நபர் யார், அவர் வனவிலங்கு தாக்கி இறந்தாரா அல்லது வேறு ஏதேனும் காரணமா என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
