மாவட்ட செய்திகள்

நாமக்கல் மாவட்டத்தில் காலியாக உள்ள 25 உள்ளாட்சி பதவிகளுக்கு அக்டோபர் 9-ந் தேதி தேர்தல்-நாளை மனுதாக்கல் தொடங்குகிறது + "||" + election

நாமக்கல் மாவட்டத்தில் காலியாக உள்ள 25 உள்ளாட்சி பதவிகளுக்கு அக்டோபர் 9-ந் தேதி தேர்தல்-நாளை மனுதாக்கல் தொடங்குகிறது

நாமக்கல் மாவட்டத்தில் காலியாக உள்ள 25 உள்ளாட்சி பதவிகளுக்கு அக்டோபர் 9-ந் தேதி தேர்தல்-நாளை மனுதாக்கல் தொடங்குகிறது
நாமக்கல் மாவட்டத்தில் காலியாக உள்ள 25 உள்ளாட்சி பதவிகளுக்கு அக்டோபர் மாதம் 9-ந் தேதி தேர்தல் நடைபெற உள்ளது. இதற்கான வேட்புமனு தாக்கல் நாளை தொடங்க இருப்பதாக தேர்தல் பிரிவு அதிகாரிகள் தெரிவித்தனர்.
நாமக்கல்:
உள்ளாட்சி தேர்தல்
தமிழகத்தில் உள்ளாட்சி தேர்தல் நடைபெறாத செங்கல்பட்டு, காஞ்சிபுரம் உள்ளிட்ட 9 மாவட்டங்களில் அக்டோபர் மாதம் 6 மற்றும் 9-ந் தேதிகளில் 2 கட்டங்களாக உள்ளாட்சி தேர்தல் நடைபெற இருப்பதாக மாநில தேர்தல் ஆணையம் நேற்று அறிவித்தது. இந்த  தேர்தலுடன் பிற மாவட்டங்களில் காலியாக உள்ள உள்ளாட்சி பதவிகளுக்கும் அக்டோபர் 9-ந் தேதி தேர்தல் நடத்தப்பட உள்ளது.
நாமக்கல் மாவட்டத்தை பொறுத்த வரையில் காலியாக உள்ள 6-வது வார்டு மாவட்ட ஊராட்சி குழு உறுப்பினர் பதவி (பொது), எருமப்பட்டி ஒன்றியத்தில் 15-வது வார்டு ஒன்றியகுழு உறுப்பினர் பதவி (பொது), கோப்பணம்பாளையம், திம்மநாயக்கன்பட்டி, ஆவல்நாயக்கன்பட்டி, கூடச்சேரி, நடுகோம்பை ஊராட்சி மன்ற தலைவர்கள் பதவிகளுக்கு அடுத்த மாதம் 9-ந் தேதி தேர்தல் நடக்கிறது.
சிற்றூராட்சி வார்டு
சிற்றூராட்சி வார்டுகளை பொறுத்த வரையில் மண்டகபாளையம் 3-வது வார்டு, கோணங்கிப்பட்டி 9-வது வார்டு, பவித்திரம் 2-வது வார்டு, இருக்கூர் 7-வது வார்டு, தின்னனூர்நாடு 5-வது வார்டு, பிள்ளாநத்தம் 4-வது வார்டு, என்.புதுப்பட்டி 8-வது வார்டு, பெரப்பன்சோலை 2-வது வார்டு, கார்கூடல்பட்டி 6-வது வார்டு, மங்களபுரம் 8-வது வார்டு, செருக்கலை 9-வது வார்டு, பில்லூர் 4-வது வார்டு, காரைக்குறிச்சிபுதூர் 3-வது வார்டு, எஸ்.உடுப்பம் 6-வது வார்டு, திருமலைப்பட்டி 7-வது வார்டு, பொட்டணம் 3-வது வார்டு, உத்திரகிடிகாவல் 7-வது வார்டு, ஆண்டிபாளையம் 6-வார்டு ஆகியவற்றிற்கு தேர்தல் நடத்தப்பட உள்ளன.
நாமக்கல் மாவட்டத்தில் மொத்தமாக காலியாக உள்ள 25 பதவிகளுக்கு தேர்தல் நடைபெற இருப்பதாகவும், இதற்கான வேட்புமனு தாக்கல் நாளை (வியாழக்கிழமை) தொடங்க இருப்பதாகவும், வேட்புமனு தாக்கல் செய்ய 22-ந் தேதி கடைசி நாள் எனவும் மாவட்ட தேர்தல் பிரிவு அதிகாரிகள் தெரிவித்தனர்.