நகை திருப்ப வந்த பெண்ணிடம் வங்கி மேலாளராக நடித்து ரூ.1 லட்சம் அபேஸ்

ராமநாதபுரம் மாவட்டம் பரமக்குடி கீழப்பள்ளிவாசல் தெருவைச் சேர்ந்தவர் நடராஜன். இவருடைய மனைவி பாண்டியம்மாள் (வயது 50). இவர் பூட்டு கடை வைத்து நடத்தி வருகிறார். இந்நிலையில் அவர் பரமக்குடியில் உள்ள வங்கி ஒன்றில் அடகு வைத்த 5 பவுன் நகையை திருப்புவதற்காக ரூ.1 லட்சத்து 19 ஆயிரத்தை கொண்டு வந்துள்ளார்.
 உடனே பாண்டியம்மாள், அவர் கூறியதை நம்பி தான் வைத்திருந்த ரூ.1 லட்சத்து 19 ஆயிரத்தை அந்த டிப்-டாப் ஆசாமியிடம் கொடுத்துவிட்டு தபால் அலுவலகத்துக்கு சென்று விவரம் கேட்டுள்ளார். அங்கிருந்தவர்கள் அப்படி எதுவும் இல்லை என கூறியுள்ளனர்.
இதை தொடர்ந்து வங்கியில் பொருத்தப்பட்டுள்ள கண்காணிப்பு கேமராக்களில் பதிவான காட்சிகளை பார்த்தபோது அதில் டிப்-டாப் உடை அணிந்த மர்ம ஆசாமி உருவம் தெரிந்தது. உடனே இது குறித்து பரமக்குடி நகர் போலீசாருக்கு தகவல் தெரிவித்தனர். அதன்படி போலீசார் அங்கு வந்து விசாரணை நடத்தினர். இதுகுறித்து பாண்டியம்மாள் கொடுத்த புகாரின் பேரில் நகர் போலீஸ் இன்ஸ்பெக்டர் அமுதா மற்றும் போலீசார் வழக்கு பதிவு செய்து விசாரணை நடத்தி கண்காணிப்பு கேமராவில் பதிவான அந்த மர்ம ஆசாமியை தேடி வருகின்றனர்.