அகரத்தில் ஒரே குழியில் 3 உறைகிணறுகள் தென்பட்டன

 இந்த நிலையில் மற்றொரு குழியில் கடந்த வாரம் தோண்டியபோது 8 அடி ஆழத்தில் 3-வதாக ஒரு உறை கிணற்றின் மேல்பாகம் வெளிப்பட்டது. அதன் மேல் பகுதி வட்ட வடிவில் ஒரு மூடியை போன்று காணப்படுகிறது. அதே குழியில் தொடர்ந்து அகழ்வாராய்ச்சி பணிகள் மேற்கொண்டபோது அருகிலேயே 2 உறைகிணறுகள் தென்பட்டுள்ளது. ஒரே குழியில் மூன்று உறைகிணறுகள் தென்படுவது இதுவே முதல் தடவையாகும். முதலில் வெளிப்பட்டது மூன்று உறை அடுக்குகளுடனும், இரண்டாவது வெளிப்பட்டது 2 உறைஅடுக்குகளுடனும், மூன்றாவது வெளிப்பட்டது 2 உறை அடுக்குகளுடனும் தெரிகிறது. மேலும் இந்த குழியில் பணிகள் மேற்கொண்ட போது தெளிவான ஆற்று மணல் அதிகம் கிடைத்து வருகிறது. தொடர்ந்து அகழ்வாராய்ச்சி பணிகள் மேற்கொள்ளும் போது இன்னும் கூடுதலாக உறைஅடுக்குகள் கிடைக்கலாம் எனவும் தெரியவருகிறது. இதற்கிடையே தொல்லியல்துறை அமைச்சர் தங்கம் தென்னரசு அகரத்தில் ஒரே குழியில் 3 உறை கிணறுகள் தென்பட்டதை தனது டுவிட்டர் பக்கத்தில் வெளியிட்டு உள்ளார்.