ஓட்டலை சூறையாடிய 2 பேர் கைது

சுரண்டை:

சுரண்டை அருகே பூப்பாண்டியபுரம் பிள்ளையார் கோவில் தெருவைச் சேர்ந்தவர் சேர்ம அருணாசலம் (வயது 35). இவர் சாம்பவர்வடகரை பஸ் நிலையம் அருகே ஓட்டல் நடத்தி வருகிறார். நேற்று முன்தினம் இரவில் இவரது ஓட்டலுக்கு மதுபோதையில் 2 பேர் சாப்பிட வந்தனர். அப்போது அவர்கள் ஆபாயிலுக்கு கூடுதலாக மிளகு பொடி கேட்டனர். அதனை கொடுக்க தாமதமாகவே அவர்கள் 2 பேரும் சேர்ந்து ஓட்டலை சூறையாடினர். இதுகுறித்த புகாரின் பேரில், சாம்பவர்வடகரை போலீசார் வழக்குப்பதிவு செய்து, மாரியப்பன் (42), பாஸ்கர் (27) ஆகிய 2 பேரை கைது செய்தனர்.