தோட்டத்து வீட்டில் சூதாடிய 10 பேர் கைது

கரூர் மாவட்டம், அரவக்குறிச்சி அருகே வெங்கமேட்டூரில் ஒரு தோட்டத்து வீட்டில் பணம் வைத்து சூதாட்டம் நடப்பதாக அரவக்குறிச்சி போலீசாருக்கு ரகசிய தகவல் கிடைத்தது. 

அதன்பேரில் போலீசார் தோட்டத்து வீட்டில் அதிரடியாக நுழைந்து சோதனையில் ஈடுபட்டனர். அப்போது அங்கு சிலர் பணம் வைத்து சூதாட்டத்தில் ஈடுபட்டது தெரியவந்தது. 

இதையடுத்து பணம் வைத்து சூதாட்டத்தில் ஈடுபட்டதாக ஈரோட்டை சேர்ந்த சதீஷ் (வயது 37), வினோத்குமார் (36), சபரிநாத் (40), பாலசுப்பிரமணியன் (58), சேது (34), கோவையை சேர்ந்த அலெக்ஸ் (58), குளித்தலையை சேர்ந்த சங்கர் (50), திண்டுக்கல்லை சேர்ந்த கருப்புசாமி (42), ஜார்ஜ் (50), அப்துல்ரஜாக் (30) ஆகிய 10 பேர் மற்றும் சூதாடுவதற்கு தோட்டத்து வீட்டில் அனுமதியளித்த வேலுசாமி (56) என்பவரையும் போலீசார் கைது செய்தனர். 

மேலும் அவர்களிடமிருந்து மொத்தம் ரூ.10 லட்சத்து 66 ஆயிரம் மற்றும் சீட்டுக்கட்டுகள் பறிமுதல் செய்யப்பட்டது. இதுதொடர்பாக அரவக்குறிச்சி போலீசார் வழக்குப்பதிந்து விசாரணை நடத்தி வருகின்றனர்.