<
திருப்பத்தூர் அருகே பெட்ரோல் ஊற்றி எரித்த பெண் சாவு
திருப்பத்தூர் அருகே பெட்ரோல் ஊற்றி எரிக்கப்பட்ட பெண் சிகிச்சை பலனின்றி இறந்தார். தலைமறைவாக உள்ள அவருடைய கணவரை போலீசார் தேடி வருகின்றனர்.
திருப்பத்தூர்
திருப்பத்தூர் அருகே பெட்ரோல் ஊற்றி எரிக்கப்பட்ட பெண் சிகிச்சை பலனின்றி இறந்தார். தலைமறைவாக உள்ள அவருடைய கணவரை போலீசார் தேடி வருகின்றனர்.
பெட்ரோல் ஊற்றி தீ வைப்பு
திருப்பத்தூர் அருகே உள்ள புதுபூங்குளம் கிராமத்தை சேர்ந்தவர் சதாசிவம். இவரது மகன் சத்தியமூர்த்தி (வயது 30). திருப்பத்தூர் வட்டார போக்குவரத்து அலுவலகம் பகுதியில் ஓட்டுனர் பயிற்சி நிலையம் நடத்தி வருகிறார். இவருடைய மனைவி திவ்யா (24). இருவரும் கடந்த 3 ஆண்டுகளுக்கு முன்பு காதலித்து திருமணம் செய்து கொண்டனர். இவர்களுக்கு வர்ஷினி ஸ்ரீ (3) என்கிற பெண் குழந்தை உள்ளது.
திவ்யா திருப்பத்தூர் குனிச்சி பகுதியில் உள்ள கல்லூரியில் கடந்த வருடம் பி.எட். முடித்துள்ளார். அப்போது கல்லூரிக்கு செல்வதற்காக கந்திலி அருகே உள்ள கொட்டாவூர் கிராமத்தில் உள்ள அவருடைய தாய் வீட்டில் குழந்தையுடன் தங்கியிருந்தார். பின்னர் கணவர் வீட்டுக்கு வரவில்லை. இந்த நிலையில் சம்பவத்தன்று சத்தியமூர்த்தி தனது மனைவி திவ்யா மற்றும் குழந்தையை அழைத்துக்கொண்டு வீட்டுக்கு வந்தார்.
நேற்று அதிகாலை கோவிலுக்கு செல்வதாக கூறி திவ்யா மற்றும் குழந்தையை வெளியே அழைத்து வந்தார். அப்போது திவ்யாவுக்கு குளிர்பானத்தில் தூக்க மாத்திரை கலந்து கொடுத்ததாக கூறப்படுகிறது. இதனால் திவ்யா மயங்கினார். திருப்பத்தூர் எலவம்பட்டி கிராமம், வட்டார போக்குவரத்து அலுவலகம் அருகில் சத்தியமூர்த்தி திவ்யா மீது பெட்ரோல் ஊற்றி எரித்ததாக கூறப்படுகிறது.
சிகிச்சை பலனின்றி சாவு
இதில் உடல் முழுவதும் தீ பற்றி எரிந்த திவ்யா அலறி கூச்சலிட்டார். சத்தம் கேட்டு அக்கம் பக்கத்தினர் ஓடி வந்தனர். அதற்குள் சத்தியமூர்த்தி அங்கிருந்து குழந்தையுடன் தலைமறைவாகி விட்டார். திவ்யாவை மீட்டு திருப்பத்தூர் அரசு மருத்துவமனைக்கு ஆம்புலன்ஸ் மூலம் அனுப்பிவைத்தனர்.
படுகாயமடைந்த திவ்யா மேல் சிகிச்சைக்காக சென்னை கீழ்ப்பாக்கம் அரசு மருத்துவமனையில் சேர்க்கப்பட்டு சிகிச்சை பெற்று வந்தார். இந்த நிலையில் நேற்று மாலை அவர் சிகிச்சை பலனின்றி இறந்தார். இதுகுறித்து போலீசார் வழக்குப்பதிவு செய்தனர். குழந்தையுடன் தப்பியோடிய அவரது கணவர் சத்தியமூர்த்தியை தனிப்படை போலீசார் தேடி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
