<
நாமக்கல் மாவட்டத்தில் புதிதாக 52 பேருக்கு கொரோனா பாதிப்பு எண்ணிக்கை 50,553 ஆக அதிகரிப்பு
நாமக்கல் மாவட்டத்தில் புதிதாக 52 பேருக்கு கொரோனா பாதிப்பு எண்ணிக்கை 50,553 ஆக அதிகரிப்பு
நாமக்கல்:
நாமக்கல் மாவட்டத்தில் நேற்று புதிதாக 52 பேருக்கு கொரோனா பாதிப்பு உறுதி செய்யப்பட்டு இருப்பதால், இதுவரை பாதிக்கப்பட்ட நபர்களின் எண்ணிக்கை 50,553 ஆக அதிகரித்து உள்ளது.
52 பேருக்கு கொரோனா
நாமக்கல் மாவட்டத்தில் சுகாதாரத்துறை அறிவிப்பின்படி நேற்று முன்தினம் வரை 50 ஆயிரத்து 500 பேர் கொரோனாவால் பாதிக்கப்பட்டு இருந்தனர். இந்த நிலையில் பிற மாவட்டங்களில் சிகிச்சை பெற்று வந்த ஒருவரின் பெயர் நாமக்கல் மாவட்ட பட்டியலுடன் இணைக்கப்பட்டது. இதனால் மாவட்டத்தில் பாதிப்பு எண்ணிக்கை 50,501 ஆக அதிகரித்தது..
இதற்கிடையே நேற்று புதிதாக 52 பேருக்கு கொரோனா பாதிப்பு உறுதி செய்யப்பட்டது. இதனால் இதுவரை பாதிக்கப்பட்ட நபர்களின் எண்ணிக்கை 50 ஆயிரத்து 553 ஆக அதிகரித்து உள்ளது.
524 பேருக்கு சிகிச்சை
இந்த நிலையில் நேற்று 68 பேர் கொரோனாவில் இருந்து குணமாகி வீடு திரும்பினர். மாவட்டத்தில் இதுவரை 49 ஆயிரத்து 544 பேர் கொரோனாவில் இருந்து குணமாகி வீடு திரும்பி உள்ளனர். 485 பேர் பலியான நிலையில், மீதமுள்ள 524 பேருக்கு தொடர்ந்து சிகிச்சை அளிக்கப்பட்டு வருகிறது.
நாமக்கல் மாவட்டத்தில் கொரோனாவின் 3-வது அலையை தடுக்கும் பொருட்டு அனைவரும் முககவசம் அணிய வேண்டும். சமூக இடைவெளியை கடைபிடிக்க வேண்டும் என சுகாதாரத்துறை அதிகாரிகள் வேண்டுகோள் விடுத்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
