கோவில்பட்டியில் கொலைமுயற்சிவழக்கில் தேடப்பட்டு வந்தவர் கைது

கோவில்பட்டியில் மேற்கு போலீஸ் நிலைய இன்ஸ்பெக்டர் சபாபதி தலைமையில் போலீசார் நேற்று முன்தினம் இரவு ரோந்து பணியில் ஈடுபட்டனர். அப்போது, ஏ.கே.எஸ். தியேட்டர் ரோடு பகுதியில் உள்ள மருத்துவமனை முன்பு சந்தேகத்திற்கிடமான முறையில் நின்றவரை பிடித்து விசாரித்தனர். அவர் கோவில்பட்டி டால்துரை பங்களா தெருவை சேர்ந்த மகராஜன் (வயது 40) என்பதும், அப்பகுதியில் துரைப்பாண்டியன் (வயது 52) என்பவரை வழிமறித்து தகராறு செய்து அரிவாளால் வெட்டிவிட்டு தலைமறைவானவர் என்றும், போலீசார் அவரை தேடிவந்ததும் தெரிய வந்தது. இதையடுத்து மகராஜனை போலீசார் கைது செய்தனர்.

கைது செய்யப்பட்ட மகராஜன் மீது கோவில்பட்டி மேற்கு போலீஸ் நிலையத்தில் கொலை, கொலை முயற்சி உள்பட 16 வழக்குகளும், நெல்லை மாவட்டத்தில் சந்திப்பு, டவுன் போலீஸ் நிலையங்களில் தலா ஒரு கொலை முயற்சி வழக்கு, கொலை மிரட்டல் வழக்கு என வழக்குகள் நிலுவையில் உள்ளதாக போலீசார் தெரிவித்தனர்.