<
மதுக்கடைகள் 4 நாட்கள் மூடல்
தேனி மாவட்டத்தில் உள்ளாட்சி தேர்தல் நடக்கும் இடங்களில் மதுக்கடைகள் 4 நாட்கள் மூட கலெக்டர் உத்தரவிட்டுள்ளார்.
தேனி:
தேனி மாவட்ட கலெக்டர் முரளிதரன் வெளியிட்டுள்ள செய்திக்குறிப்பில் கூறப்பட்டுள்ளதாவது:-
தமிழகத்தில் ஊரக உள்ளாட்சி தேர்தல் நடப்பதையொட்டி வாக்குப்பதிவு மற்றும் வாக்கு எண்ணிக்கை நாட்களில் வாக்கு எண்ணும் மையங்களில் இருந்து 5 கிலோமீட்டர் தூரத்துக்குள் உள்ள மதுக்கடைகளை மூட தமிழக அரசு உத்தரவிட்டுள்ளது.
தேனி மாவட்டத்தில் ஊரக உள்ளாட்சி பகுதிகளில் காலியாக உள்ள பதவிகளுக்கான தேர்தல் வருகிற 9-ந்தேதி நடக்கிறது. எனவே, தேர்தல் நடக்கும் பகுதிகளில் வாக்குச்சாவடிகளுக்கு 5 கிலோமீட்டர் சுற்றளவில் அமைந்துள்ள டாஸ்மாக் மதுக்கடைகள் மற்றும் தனியார் மதுபான கூடங்கள் அனைத்தும் நாளை (வியாழக்கிழமை) முதல் 9-ந்தேதி வரை 3 நாட்களுக்கு மூடப்பட வேண்டும்.
அதுபோல் வாக்கு எண்ணிக்கை நடக்கும் நாளான வருகிற 12-ந்தேதியும் இந்த பகுதிகளில் மதுக்கடைகளை மூட வேண்டும். மதுக்கடை மூடப்பட்ட பகுதிகளில் மதுவிற்பனை எதுவும் நடக்கக்கூடாது. அதையும் மீறி யாரேனும் சட்டவிரோதமாக மதுவிற்பனை செய்தால் அவர்கள் மீது கடும் நடவடிக்கை எடுக்கப்படும்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
