ஊட்டி, கோத்தகிரியில் கடும் பனிமூட்டம்

ஊட்டி

நீலகிரி மாவட்டத்தில் பரவலாக மழை பெய்து வருகிறது. ஊட்டி, கோத்தகிரியில் நேற்று காலை முதலே வானம் மேகமூட்டத்துடன் இருந்தது. பரவலாக சாரல் மழை பெய்தது. இதனால் குளிர்ந்த காலநிலை நிலவுகிறது. ஊட்டி-கோத்தகிரி சாலையில் கடும் பனிமூட்டம் காணப்பட்டது. இதனால் வாகனங்கள் முகப்பு விளக்கை எரியவிட்டபடி சென்றன. 

கோடப்பமந்து பகுதியில் குடியிருப்புகளே தெரியாத அளவுக்கு பனிமூட்டம் சூழ்ந்து இருந்தது. நீலகிரியில் நேற்று காலை 8 மணியுடன் 24 மணி நேரத்தில் முடிவடைந்த மழையளவு விவரம் (மில்லி மீட்டரில்) வருமாறு:- ஊட்டி-8, நடுவட்டம்-18, அவலாஞ்சி-21, எமரால்டு-14, பர்லியார்-16, குன்னூர்-8, எடப்பள்ளி-10, கூடலூர்-16, தேவாலா-34, ஓவேலி-12, பந்தலூர்-74, சேரங்கோடு-18 என மழை பதிவாகி உள்ளது. அதிகபட்சமாக பந்தலூரில் 7 சென்டி மீட்டர் மழை பெய்தது.