மரத்தில் கார் மோதி 2 பேர் பலி

தர்மபுரி ஒட்டப்பட்டி சக்தி நகரை சேர்ந்த இருக்கன் என்பவரின் மகன் கோபி(வயது 37). இவரும், சாமிநாதன் என்பவரின் மகன் செந்தில்குமார்(36) என்பவரும் நேற்று முன்தினம் திருச்சியில் இருந்து சென்னைக்கு காரில் சென்றனர். பின்னர் அங்கிருந்து நேற்று காலை திருச்சி நோக்கி காரில் வந்து கொண்டிருந்தனர்.

திருச்சி-சென்னை தேசிய நெடுஞ்சாலையில் சிறுகனூர் அருகே வந்தபோது கார் நிலை தடுமாறி அப்பகுதியில் உள்ள மரத்தில் மோதியது. இந்த விபத்தில் கோபி மற்றும் செந்தில்குமார் ஆகிய இருவரும் உடல் நசுங்கி சம்பவ இடத்திலேயே உயிரிழந்தனர். இந்த விபத்து குறித்து தகவல் அறிந்த சிறுகனூர் போலீசார் சம்பவ இடத்திற்கு விரைந்து சென்று 2 பேரின் உடல்களையும் மீட்டு திருச்சி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.