வீட்டின் கதவை உடைத்து 7 பவுன் நகை திருட்டு

செந்துறை:

அரியலூர் மாவட்டத்தில் செந்துறை அருகே உள்ள மணக்குடையான் கிராமத்தை சேர்ந்தவர் கோவிந்தராசு. இவருடைய மனைவி சத்தியபிரியா(வயது 33). இவர் நேற்று முன்தினம் இரவு தனது வீட்டின் மாடியில் தனது மகனுடன் தூங்கியுள்ளார். காலையில் எழுந்து வந்து பார்த்தபோது வீட்டின் முன்பக்க கதவு திறந்து கிடந்தது. இதையடுத்து நள்ளிரவில் கதவின் பூட்டை உடைத்து உள்ளே சென்ற மர்ம நபர்கள் வீட்டில் உள்ள பீரோவை உடைத்து அதில் இருந்த 7 பவுன் நகை மற்றும் ரூ.4,500-ஐ திருடிச்சென்றது தெரியவந்தது. இதுகுறித்து சத்தியபிரியா கொடுத்த புகாரின்பேரில் குவாகம் போலீசார் வழக்குப்பதிவு செய்து விசாரணை நடத்தி வருகின்றனர்.