அரசு பஸ் மோதி பெண் பலி

கரூர் தாந்தோணி மலை சிவசக்தி நகரை சேர்ந்தவர் சம்பூரணம் (வயது 53) இவர் நேற்று முன்தினம் இரவு ஆண்டாங்கோவில் பிரிவு ரோடு அருகே நடந்து சென்று கொண்டு இருந்தார். அப்போது அந்த வழியாக சென்ற அரசு பஸ் இவர் மீது மோதியது. இதில் படுகாயம் அடைந்த அவரை கரூரில் உள்ள ஒரு தனியார் மருத்துவமனையில் சேர்த்தனர். அங்கு சிகிச்சை பலனின்றி சம்பூர்ணம் பரிதாபமாக இறந்தார். இந்த சம்பவம் குறித்து கரூர் டவுன்  இன்ஸ்பெக்டர் செந்தூர்பாண்டியன் வழக்குப்பதிவு செய்து விசாரணை நடத்தி வருகிறார்.