மாணவி கடத்தல் வழக்கில் மேலும் 2 பேர் கைது

வேப்பந்தட்டை:

பெரம்பலூர் மாவட்டம் வேப்பந்தட்டை பகுதியை சேர்ந்த பிளஸ்-2 மாணவியை கடந்த மார்ச் மாதம் 28-ம் தேதி ரெங்கநாதபுரம் கிராமத்தைச் சேர்ந்த மணிகண்டன் (வயது 28) என்பவர் தனது நண்பர்களுடன் சேர்ந்து கடத்தி சென்றார். இந்த சம்பவம் குறித்து மாணவியின் தந்தை அரும்பாவூர் போலீசில் கொடுத்த புகாரின் பேரில் போலீசார் வழக்குப்பதிவு செய்து மணிகண்டனை போக்சோ சட்டத்தில் கைது செய்து சிறையில் அடைத்தனர். இந்நிலையில் மணிகண்டனுக்கு கடத்தலுக்கு உதவிய கீழக்கணவாய் கிராமத்தைச் சேர்ந்த ராமச்சந்திரன் (29), வெங்கடேஷ் (21) ஆகியோர் தலைமறைவாக இருந்தனர். இந்நிலையில் அவர்கள் 2 பேரையும் போலீசார் கைது செய்து நீதிமன்றத்தில் ஆஜர்படுத்தி சிறையில் அடைத்தனர்.