மாவட்ட செய்திகள்

2-ம் கட்ட ஊரக உள்ளாட்சி தேர்தல் செங்கல்பட்டு மாவட்டத்தில் 70 சதவீதம் வாக்குப்பதிவு + "||" + Phase 2 Rural Local Government Election 70% turnout in Chengalpattu district

2-ம் கட்ட ஊரக உள்ளாட்சி தேர்தல் செங்கல்பட்டு மாவட்டத்தில் 70 சதவீதம் வாக்குப்பதிவு

2-ம் கட்ட ஊரக உள்ளாட்சி தேர்தல் செங்கல்பட்டு மாவட்டத்தில் 70 சதவீதம் வாக்குப்பதிவு
செங்கல்பட்டு மாவட்டத்தில் நடைபெற்ற 2-ம் கட்ட ஊரக உள்ளாட்சித் தேர்தலில் 70 சதவீத வாக்குப்பதிவானது, பதற்றமான வாக்குசாவடிகளில் கலெக்டர் நேரில் ஆய்வு செய்தார்.
தாம்பரம்,

புதியதாக பிரிக்கப்பட்ட செங்கல்பட்டு, காஞ்சீபுரம் உள்ளிட்ட 9 மாவட்டங்களுக்கு ஊரக உள்ளாட்சி தேர்தல் தமிழகம் முழுவதும் 2 கட்டங்களாக நடைபெற்றது. அதில், செங்கல்பட்டு மாவட்டத்தில் மொத்தம் 8 ஊராட்சி ஒன்றியங்கள் உள்ளன. முதல் கட்டமாக கடந்த 6-ந்தேதி நடைபெற்ற தேர்தலானது, புனித தோமையார் மலை, இலத்தூர், திருப்போரூர், திருக்கழுக்குன்றம் உள்ளிட்ட 4 ஒன்றியங்களில் நடந்து முடிவடைந்தது. இந்த நிலையில், நேற்று 2-ம் கட்ட தேர்தலானது கட்டாங்கொளத்தூர், மதுராந்தகம், அச்சரப்பாக்கம் மற்றும் சித்தாமூர் ஆகிய 4 ஒன்றியங்களில் நடைபெற்றது.


காலை 7 மணி முதலே வாக்குப்பதிவானது விறுவிறுப்பாக நடைபெற்று வந்த நிலையில், பொதுமக்கள் ஆர்வத்துடன் வரிசையில் ஓட்டு போட்டனர். பதற்றமானவை என அறிவிக்கப்பட்ட காட்டாங்குளத்தூர் ஒன்றியம் சிங்கப்பெருமாள் கோவிலில் அரசு பள்ளி வாக்குச்சாவடி உள்ளிட்ட வாக்குச்சாவடிகளில் செங்கல்பட்டு மாவட்ட கலெக்டர் ராகுல்நாத் நேரில் சென்று பார்வையிட்டார்.

970 வாக்குச்சாவடிகள்

அதன் பின்னர், நிருபர்களிடம் பேட்டி அளித்த அவர், செங்கல்பட்டு மாவட்டத்திற்கு உட்பட்ட கட்டாங்கொளத்தூர், சித்தாமூர், அச்சரப்பாக்கம், மதுராந்தகம் உள்ளிட்ட 4 ஒன்றியங்களிலும் தேர்தல் அமைதியான முறையில் நடைபெற்றது.

இந்த 4 ஒன்றியங்களில் மொத்தம் 970 வாக்குச்சாவடிகள் அமைக்கப்பட்டது.

அதில், பதற்றமான வாக்குச்சாவடிகளில் கூடுதல் போலீசார் நியமிக்கப்பட்டு கண்காணிப்பு கேமராக்கள் மூலம் தீவிர கண்காணிப்பு செய்ததாக தெரிவித்தார். செங்கல்பட்டு மாவட்டம் முழுவதும் மாவட்ட போலீஸ் சூப்பிரண்டு விஜயகுமார் தலைமையில் 2,315 போலீசார் வாக்குச்சாவடிகளில் பாதுகாப்பு பணியில் ஈடுபட்டனர். பதற்றமான வாக்குச்சாவடிகளில் 120 நுண் பார்வையாளர்கள் வாக்குப்பதிவு முழுவதையும் கண்காணித்தனர். செங்கல்பட்டு மாவட்டத்தில் நடைபெற்று முடிந்த உள்ளாட்சி தேர்தல் 2-ம் கட்ட வாக்குப்பதிவில் 70 சதவீதம் வாக்குகள் பதிவானது.

தொடர்புடைய செய்திகள்

1. நகர்ப்புற உள்ளாட்சி தேர்தல்: அ.தி.மு.க.வில் இன்று முதல் 29-ந்தேதி வரை விருப்ப மனு
நகர்ப்புற உள்ளாட்சி தேர்தலில் போட்டியிடுவதற்கு அ.தி.மு.க.வில் இன்று (வெள்ளிக்கிழமை) முதல் 29-ந்தேதி வரை விருப்ப மனுக்கள் பெறப்படுகிறது.
2. நகர்ப்புற உள்ளாட்சி தேர்தல்: 7-ந் தேதி பா.ஜ.க. விருப்பமனு பெறுகிறது
நகர்ப்புற உள்ளாட்சி தேர்தல்: 7-ந் தேதி பா.ஜ.க. விருப்பமனு பெறுகிறது பொன்.ராதாகிருஷ்ணன் தலைமையில் தேர்தல் பணிக்குழு.
3. உள்ளாட்சி தேர்தலில் கிடைத்த வெற்றி தி.மு.க. ஆட்சிக்கு கிடைத்த நற்சான்று-அமைச்சர் கே.ஆர்.பெரியகருப்பன்
உள்ளாட்சி தேர்தலில் கிடைத்த வெற்றி தி.மு.க. ஆட்சிக்கு கிடைத்த நற்சான்று என அமைச்சர் கே.ஆர்.பெரியகருப்பன் கூறினார்.
4. குன்றத்தூர் ஒன்றியத்தில் தேர்தல் நிறுத்தப்பட்ட பூந்தண்டலம் ஊராட்சியில் மறுவாக்குப்பதிவு நடந்தது
காஞ்சீபுரம் மாவட்டத்தில் கடந்த 9-ந்தேதி இரண்டாம் கட்டமாக குன்றத்தூர் ஒன்றியம், ஸ்ரீ பெரும்புதூர் ஒன்றியம் ஆகிய பகுதிகளுக்கு ஊரக உள்ளாட்சி தேர்தல் நடைபெற்றது.
5. 9 மாவட்ட உள்ளாட்சி தேர்தல்: இன்று வாக்கு எண்ணிக்கை மூன்றடுக்கு போலீஸ் பாதுகாப்புடன் நடக்கிறது
9 மாவட்ட உள்ளாட்சி தேர்தலில் பதிவான வாக்குகள் 74 இடங்களில் இன்று (செவ்வாய்க்கிழமை) எண்ணப்படுகிறது. இதற்காக வாக்கு எண்ணும் மையங்களில் பலத்த போலீஸ் பாதுகாப்பு போடப்பட்டுள்ளது.