‘தினத்தந்தி’ புகார் பெட்டிக்கு வந்த மக்கள் குறைகள் தொடர்பான பதிவுகள்

‘தினத்தந்தி’ புகார் பெட்டிக்கு வந்த மக்கள் குறைகள் தொடர்பான பதிவுகள் வருமாறு:-

குடிநீர் வசதி வேண்டும்

   தஞ்சை மாவட்டம் அய்யம்பேட்டை ஹசன்சா பள்ளிவாசல் தெரு உள்ளது. இந்த தெருவில் பல்வேறு குடும்பத்தினர் வசித்து வருகின்றனர். இந்த நிலையில் கடந்த சில நாட்களாக போதிய குடிநீர் வரவில்லை. இதனால் இந்த தெருவை சேர்ந்த மக்கள் மிகுந்த அவதியடைந்து வருகின்றனர். எனவே சம்பந்தப்பட்ட அதிகாரிகள் இந்த தெரு மக்களுக்கு போதிய குடிநீர் வசதி செய்து தர வேண்டும்.    

- அப்துல் காதர், அய்யம்பேட்டை.

தஞ்சை மாவட்டம் பட்டுக்கோட்டை தாலுகா மூத்தாகுறிச்சி பகுதியில் மதுக்கூர்- அதிராம்பட்டினம் சாலை உள்ளது. இந்த சாலையில் மண் சாலையாக காணப்படும் இந்த சாலை தற்போது சேறும் சகதியுமாக காணப்படுகிறது. இதனால் பள்ளி, கல்லூரிகளுக்கு செல்லும் மாணவ- மாணவிகள் பெரிதும் அவதியடைந்து வருகின்றனர். எனவே சம்பந்தப்பட்ட அதிகாரிகள் சாலையை சீரமைக்க நடவடிக்கை எடுக்கவேண்டும்.
-மூத்தாகுறிச்சி பகுதி மக்கள், பட்டுக்கோட்டை.