மேலும் 70 பேருக்கு கொரோனா

தினத்தந்தி 16 Oct 2021 9:59 PM IST (Updated: 16 Oct 2021 9:59 PM IST)

மேலும் 70 பேருக்கு கொரோனா

திருப்பூர்,

தமிழகத்தில் கொரோனா தடுப்பு மற்றும் முன்னெச்சரிக்கை நடவடிக்கைகள் தீவிரப்படுத்தப்பட்டு வருகிறது. இதன் காரணமாக தொற்றும் குறைந்து வருகிறது. இந்நிலையில் பாதிப்பு அதிகம் உள்ள மாவட்டங்களில் சில கட்டுப்பாடுகளும் விதிக்கப்பட்டு வருகிறது. அதன்படி நேற்று தமிழகத்தில் 1,233 பேருக்கு கொரோனா தொற்று உறுதி செய்யப்பட்டது. திருப்பூர் மாவட்டத்தில் மேலும் 70 பேருக்கு தொற்று உறுதி செய்யப்பட்டது.

இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 94 ஆயிரத்து 303-ஆக உள்ளது. இதுபோல் கொரோனாவுக்கு சிகிச்சை பெற்று வந்த 74 பேர் குணமடைந்து வீடு திரும்பினர். இதனால் குணமடைந்தவர்களின் எண்ணிக்கை 92 ஆயிரத்து 524-ஆக உள்ளது. தற்போது மாவட்டத்தில் கொரோனாவால் பாதிக்கப்பட்ட 822 பேர் சிகிச்சை பெற்று வருகிறார்கள். இதற்கிடையே கொரோனாவுக்கு சிகிச்சை பெற்று வந்த 2 பேர் நேற்று பலியாகினர். இதனால் பலி எண்ணிக்கை 967-ஆக உள்ளது.