மல்லசமுத்திரம் அருகே ஆற்றில் மூழ்கி சிறுமி பலி

மல்லசமுத்திரம்:

நாமக்கல் மாவட்டம் மல்லசமுத்திரம் அருகே உள்ள பாலமேடு பகுதியை சேர்ந்தவர் செந்தில் (வயது 35). கொத்தனார். இவருக்கு ஒகிதா (4) என்ற மகள் இருந்தாள். இவள் நேற்று அதே பகுதியில் உள்ள தனது தாத்தா வீட்டின் அருகே விளையாடி கொண்டிருந்ததாக கூறப்படுகிறது. சிறுமியின் தாத்தா வீடு பாலமேடு ஆற்றங்கரையோரம் உள்ளது. இந்தநிலையில் விளையாடி கொண்டிருந்த சிறுமி எதிர்பாராதவிதமாக ஆற்றுக்குள் தவறி விழுந்தாள். இதில் தண்ணீரில் மூழ்கி சிறுமி ஒகிதா பரிதாபமாக இறந்தாள். 

இதுகுறித்து மல்லசமுத்திரம் போலீசாருக்கு தகவல் தெரிவிக்கப்பட்டது. அதன்பேரில் சம்பவ இடத்துக்கு விரைந்து சென்ற போலீசார் ஆற்றில் மூழ்கி இறந்த சிறுமியின் உடலை மீட்டு பிரேத பரிசோதனைக்காக திருச்செங்கோடு அரசு ஆஸ்பத்திரிக்கு அனுப்பி வைத்தனர். மேலும் இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.