<
சென்னை அண்ணாநகரில் குடும்ப தகராறில் கணவர் தீக்குளித்து தற்கொலை - காப்பாற்ற முயன்ற மனைவியும் படுகாயம்
குடும்ப தகராறில் கணவர் தீக்குளித்து தற்கொலை செய்து கொண்டார். அவரை காப்பாற்ற முயன்ற மனைவியும் படுகாயம் அடைந்து ஆஸ்பத்திரியில் சிகிச்சை பெற்று வருகிறார்.
சென்னை,
சென்னை அண்ணாநகர் கிழக்கு குச்சி மெயின் ரோடு பகுதியை சேர்ந்தவர் சுதாகர் (வயது 38). இவருடைய மனைவி சோபனா. இவர்களுக்கு ஒரு மகனும், ஒரு மகளும் உள்ளனர். தனியார் நிறுவனத்தில் வேலை செய்து வரும் சுதாகருக்கு குடிப்பழக்கம் இருப்பதாக கூறப்படுகிறது.
இதுதொடர்பாக கணவன்-மனைவி இடையே அடிக்கடி தகராறு ஏற்பட்டு வந்தது. நேற்று முன்தினம் மாலையும் வழக்கம்போல் இருவருக்கும் இடையே குடும்ப தகராறு ஏற்பட்டது.
இதில் மனமுடைந்த சுதாகர், வீட்டில் இருந்த மண்எண்ணெயை உடலில் ஊற்றி தீ வைத்து தற்கொலைக்கு முயன்றார். அவரது உடல் முழுவதும் தீ கொழுந்துவிட்டு எரிவதை கண்டு அதிர்ச்சி அடைந்த சோபனா, கணவரை காப்பாற்ற முயன்றார். அப்போது அவரது உடலிலும் தீப்பிடித்துக்கொண்டது.
இருவரது அலறல் சத்தம் கேட்டு ஓடிவந்த அக்கம் பக்கத்தினர், கணவன்-மனைவி இருவரது உடலில் எரிந்த தீயை அணைத்தனர். பின்னர் இருவரையும் மீட்டு கீழ்ப்பாக்கம் அரசு ஆஸ்பத்திரிக்கு அனுப்பி வைத்தனர்.
ஆனால் அங்கு சிகிச்சை பலனின்றி நேற்று முன்தினம் இரவு சுதாகர் பரிதாபமாக உயிரிழந்தார். படுகாயம் அடைந்த சோபனாவுக்கு தொடர்ந்து சிகிச்சை அளிக்கப்பட்டு வருகிறது. இந்த சம்பவம் தொடர்பாக டி.பி.சத்திரம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
