பாறை உருண்டு விழுந்தது

தமிழகத்தையும், கேரளாவையும் இணைக்கும் முக்கியமான மலைப்பாதையில் கம்பம்மெட்டு ஒன்றாகும். கம்பம்மெட்டு மலை அடிவாரப்பகுதியில் இருந்து சுமார் 7 கி.மீட்டர் தூரம் உள்ள கம்பம்மெட்டு மலைப்பாதையில் 18 கொண்டை ஊசி வளைவுகள் உள்ளன. இந்த மலைப்பாதையில் தினமும் ஏராளமான வாகனங்கள் சென்று வருகின்றன. கடந்த 3 நாட்களாக கம்பம் மற்றும் அதன் சுற்றுப்புற பகுதிகளில் தொடர்ந்து மழை பெய்து வருகிறது. இந்நிலையில் நேற்று மழை காரணமாக கம்பம்மெட்டு மலைப்பாதையில் உள்ள 6-வது கொண்டை ஊசி வளைவு அருகே பாறைகள் உருண்டு சாலையின் குறுக்கே விழுந்தது.