<
இலங்கை மீனவர்கள் 2 பேர் கைது
வேதாரண்யம் அருகே எல்லை தாண்டி வந்து மீன்பிடித்ததாக இலங்கை மீனவர்கள் 2 பேர் கைது செய்யப்பட்டனர். மேலும் அவர்களிடம் இருந்து பைபர் படகு பறிமுதல் செய்யப்பட்டது.
வேதாரண்யம்:
வேதாரண்யம் அருகே எல்லை தாண்டி வந்து மீன்பிடித்ததாக இலங்கை மீனவர்கள் 2 பேர் கைது செய்யப்பட்டனர். மேலும் அவர்களிடம் இருந்து பைபர் படகு பறிமுதல் செய்யப்பட்டது.
ரோந்து பணி
நாகை மாவட்டம் வேதாரண்யம் தாலுகா கோடியக்கரைக்கு தென்கிழக்கே 16 நாட்டிகல் தொலைவில் நேற்று முன்தினம் மாலை இந்திய கடல் எல்ைலயில் இந்திய கடற்படையினர் கப்பலில் ரோந்து பணியில் ஈடுபட்டிருந்தனர்.
அப்போது ஒரு பைபர் படகில் எல்லை தாண்டி வந்து மீன்பிடித்த இலங்கை தமிழ் மீனவர்கள் நிமலதாஸ் (வயது24), கஜிபன் (23) ஆகிய 2 பேரை இந்திய கடற்படையினர் பிடித்து, நாகை துறைமுகத்துக்கு கொண்டு வந்தனர். பின்னர் அவர்களை, கடலோர காவல் துறையிடம் ஒப்படைத்தனர்.
இலங்கை மீனவர்கள் கைது
இதையடுத்து எல்லை தாண்டி வந்து மீன் பிடித்ததாக 2 இலங்கை மீனவர்கள் மீது வேதாரண்யம் கடலோர காவல் படையினர் வழக்குப்பதிவு செய்து அவர்களை கைது செய்தனர்.
மேலும் அவர்களிடம் இருந்து பைபர்படகை பறிமுதல் செய்தனர். பின்னர் இலங்கை மீனவர்கள் 2 பேரையும் சென்னை எழும்பூர் நீதிமன்றத்தில் ஆஜர்படுத்தி புழல் சிறையில் அடைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
