பள்ளிபாளையத்தில் பெண்ணிடம் தாலி சங்கிலி பறிப்பு மர்மநபர்களுக்கு போலீசார் வலைவீச்சு

பள்ளிபாளையம்:

பள்ளிபாளையத்தில் நடந்து சென்ற பெண்ணிடம் 7 பவுன் தாலி சங்கிலியை பறித்து சென்ற மர்மநபர்களை போலீசார் வலைவீசி தேடி வருகின்றனர்.

நாமக்கல் மாவட்டம் பள்ளிபாளையம் கண்டிபுதூர் பகுதியை சேர்ந்தவர் சிவசங்கர். இவருடைய மனைவி கீதா (வயது 47). இவர் அங்குள்ள எலக்ட்ரிக்கல் கடையில் வேலை செய்து வருகிறார்.

இந்தநிலையில் நேற்று காலை கீதா காய்கறி வாங்குவதற்காக வீட்டில் இருந்து வெளியில் சென்றார். அப்போது தோல்மண்டி 4 ரோடு பகுதியில் நடந்து சென்றபோது அவருக்கு பின்னால் ஒரு மோட்டார் சைக்கிளில் 3 பேர் வந்தனர்.  

அவர்கள் கீதா அருகில் வந்ததும், கண் இமைக்கும் நேரத்தில் கீதா கழுத்தில் அணிந்திருந்த 7 பவுன் தாலி சங்கிலிைய பறித்தனர். இதை கண்டு அதிர்ச்சி அடைந்த அவர் சத்தம் போட்டார். ஆனால் அதற்குள் மோட்டார்சைக்கிளில் வந்தவர்கள் அங்கிருந்து தப்பி சென்று விட்டனர்.இதுகுறித்து கீதா பள்ளிபாளையம் போலீசில் புகார் கொடுத்தார். அதன்பேரில் போலீசார் சங்கிலி பறிப்பு நடந்த பகுதிக்கு வந்து விசாரணை நடத்தினர். மேலும் இந்த சம்பவம் குறித்து போலீசார் வழக்குப்பதிவு செய்து தப்பியோடிய மர்மநபர்களை வலைவீசி தேடி வருகின்றனர்.