<
தீபாவளி பண்டிகையையொட்டி வேலூரில் இருந்து சிறப்பு பஸ்கள் இயக்கம்
தீபாவளி பண்டிகையையொட்டி வேலூரில் இருந்து சிறப்பு பஸ்கள் இயக்கப்படுகிறது.
வேலூர்
தீபாவளி பண்டிகையையொட்டி வேலூரில் இருந்து சிறப்பு பஸ்கள் இயக்கப்படுகிறது.
தீபாவளி பண்டிகை
தீபாவளி பண்டிகை அடுத்த மாதம் 4-ந் தேதி கொண்டாடப்படுகிறது. இதையொட்டி பொதுமக்கள் தங்கள் சொந்த ஊர்களுக்கு சென்று கொண்டாடுவார்கள். ஆண்டுதோறும் பண்டிகை காலங்களில் சிறப்பு பஸ்கள் இயக்கப்படும். அதன்படி இந்தாண்டு தீபாவளி பண்டிகையையொட்டி சிறப்பு பஸ்கள் பொதுமக்கள் வசதிக்காக இயக்கப்படுகிறது. வேலூர் மாவட்டத்தில் இருந்தும் பஸ்கள் இயக்கப்படுகிறது. இதற்கான ஏற்பாடுகளை போக்குவரத்து கழக அதிகாரிகள் மேற்கொண்டுள்ளனர்.
இதுகுறித்து அவர்கள் கூறியதாவது:-
சிறப்பு பஸ்கள்
வருகிற தீபாவளி பண்டிகையை முன்னிட்டு வேலூர் மண்டலத்தில் நாளை மறுநாள் (திங்கட்கிழமை) முதல் 3-ந் தேதி வரை 3 நாட்களுக்கு பல்வேறு ஊர்களுக்கு பயணிகள் வசதிக்காக சிறப்பு பஸ்கள் இயக்கப்பட உள்ளது. அதன்படி வேலூரிலிருந்து பெங்களூருக்கு 10 பஸ்கள், ஓசூருக்கு 20 பஸ்கள், திருச்சிக்கு 10 பஸ்கள், தர்மபுரிக்கு 5 பஸ்கள், சென்னைக்கு 75 பஸ்கள் இயக்கப்படும்.
பஸ் நிலையங்களில் அதிகாரிகள் கண்காணிப்பில் ஈடுபடுவார்கள். அப்போது அதிக பயணிகள் வருகை தந்தால் அவர்களின் தேவைக்கேற்ப கூடுதல் பஸ்களும் இயக்கப்பட உள்ளது. சென்னையிலிருந்து ஆற்காடு, வேலூர், குடியாத்தம், பேரணாம்பட்டு, திருப்பத்துர், தர்மபுரி மற்றும் ஓசூர் மார்க்கமாக இயக்கப்படும் அனைத்து பஸ்களும் பூந்தமல்லி பஸ் நிலையத்திலிருந்து இயக்கப்படும். தீபாவளிக்கு பின்னர் 5-ந் தேதி முதல் 8-ந் தேதி வரை கூடுதலாக திருப்பத்தூர், வேலூர், ஆற்காடு ஆகிய இடங்களிலிருந்து பெங்களூருக்கு 20 பஸ்களும், ஓசூருக்கு 30 பஸ்களும், சென்னைக்கு 100 பஸ்களும் இயக்கப்படுகிறது.
இவ்வாறு அவர்கள் கூறினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
