1,162 முகாம்களில் கொரோனா தடுப்பூசி முகாம்

விருதுநகர், 

விருதுநகர் மாவட்டத்தில் இன்று (சனிக்கிழமை) 7-வது கொரோனா தடுப்பூசி முகாம் நடைபெற உள்ளது. மாவட்டத்தில் 100 சதவீத இலக்கை எட்டுவதற்கு மாவட்ட நிர்வாகம் மூலம் இந்த முகாம் 1,162 மையங்கள் மூலம் நடைபெற உள்ளது. முகாம் காலை 7 மணி முதல் இரவு 7 மணி வரை நடைபெறும். மாவட்டத்தில் உள்ள பஞ்சாயத்து பேரூராட்சி மற்றும் நகராட்சி பகுதிகளில் அனைத்து அங்கன்வாடி மையங்கள், துணை சுகாதார நிலையங்கள், ஆரம்ப சுகாதார நிலையங்கள், அரசு ஆஸ்பத்திரிகளில் இந்த முகாம் நடைபெறும். எனவே இதுவரை முதல் தவணை தடுப்பூசி போட்டு கொள்ளாதவர்கள் மற்றும் 2-வது தவணை தடுப்பூசி செலுத்த வேண்டியவர்கள் இந்த முகாமினை பயன்படுத்தி தடுப்பூசி போட்டுக்கொள்ளுமாறு மாவட்ட நிர்வாகம் கேட்டுக்கொண்டுள்ளது.