கபிலர்மலை அருகே விபத்தில் பெண் பலி

பரமத்திவேலூர்:

ஈரோடு மாவட்டம் கொடுமுடி அருகே உள்ள மலையம்பாளையத்தை சேர்ந்தவர் சங்கமித்திரன் (வயது 31). இவருடைய மனைவி லதா (27). இவர்கள் தங்களது 1½ வயது குழந்தையுடன் மோட்டார் சைக்கிளில் நாமக்கல் மாவட்டம் பரமத்திவேலூர் அருகே பாலப்பட்டியில் உள்ள லதாவின் தாயார் வீட்டிற்கு கடந்த ‌‌20-ந் தேதி வந்தனர். 

பின்னர் அன்றே மீண்டும் மலையம்பாளையம் செல்வதற்காக மோட்டார் சைக்கிளில் கபிலர்மலை செம்மடை அருகே சென்று கொண்டிருந்தனர். அப்போது கபிலர்மலை நோக்கி எதிரே வந்த கார் ஒன்று எதிர்பாராதவிதமாக மோட்டார் சைக்கிள் மீது மோதியது. 

இந்த விபத்தில் மோட்டார் சைக்கிளில் சென்ற சங்கமித்திரன் படுகாயம் அடைந்து நாமக்கல் அரசு மருத்துவமனைக்கு செல்லும் வழியிலேயே உயிரிழந்தார். சேலம் அரசு மருத்துவமனையில் சேர்க்கப்பட்டு சிகிச்சை பெற்று வந்த லதா சிகிச்சை பலனின்றி நேற்று இறந்தார். இந்த விபத்தில் தம்பதியர்களின் 1½ வயது குழந்தை காயங்கள் இன்றி அதிர்ஷ்டவசமாக உயிர் தப்பியது. இந்த விபத்து குறித்து ஜேடர்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.