சாலை விபத்தில் முதியவர் பலி

மணிகண்டம் அருகே, திருச்சி-மதுரை தேசிய நெடுஞ்சாலையில் நேற்று அதிகாலை ஆலம்பட்டி பிரிவு ரோட்டிற்கும், நாகமங்கலத்திற்கும் இடையே சுமார் 70 வயது மதிக்கத்தக்க முதியவர் ஒருவர் வாகனம் மோதி இறந்து கிடப்பதாக போலீசாருக்கு தகவல் கிடைத்தது. அதன்பேரில் மணிகண்டம் போலீசார் சம்பவ இடத்திற்கு சென்று முதியவரின் உடலை கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். மேலும், இதுகுறித்து வழக்குப்பதிவு செய்து விபத்தில் இறந்த முதியவர் யார்?, எந்த ஊரை சேர்ந்தவர்?, அவர் மீது மோதி விட்டு நிற்காமல் சென்ற வாகனம் எது என்பது குறித்து விசாரணை நடத்தி வருகின்றனர்.