தினத்தந்தி புகார் பெட்டி

 வடிகால் வசதி வேண்டும்

தஞ்சாவூரில் இருந்து கும்பகோணம் செல்லும் தேசிய நெடுஞ்சாலையில் பாபநாசம் அருகே பெரிய கடைவீதி மற்றும் முக்கிய வீதிகளில் மழை நீர் தேங்கி நிற்கிறது. இதனால் சாலையில் உள்ள மேடு, பள்ளம் தெரியாமல் வாகன ஓட்டிகள் மிகுந்த சிரமத்திற்குள்ளாகிறார்கள். மேலும் பலர் நிலைதடுமாறி விழுந்து காயமடைகின்றனர்.மேலும் மழை தண்ணீர் தேங்கி கிடப்பதால் கொசுக்கள் உற்பத்தியாகி தொற்று நோய் பரவும் அபாயம் உள்ளது. எனவே சம்பந்தப்பட்ட அதிகாரிகள் மழைத்தண்ணீர் வடிவதற்கு, நடவடிக்கை எடுக்க வேண்டும். மேலும் வடிகால் வசதி ஏற்படுத்தி தர வேண்டும் என்று பொதுமக்கள் கோரிக்கை விடுத்துள்ளனர். 

-விக்னேஸ்வரன், பாபநாசம்.