விபத்தில் தொழிலாளி பலி

போச்சம்பள்ளி:

போச்சம்பள்ளி அக்ரஹாரம் பகுதியை சேர்ந்தவர் செல்வராஜ் (வயது 50). கூலித்தொழிலாளி. இவர் கடந்த 30-ந் தேதி அதிகாலை செல்லம்பட்டி- அக்ரஹாரம் சாலை, அக்ரஹாரம் பி.எஸ்.என்.எல். அலுவலகம் பகுதியில் நடந்து சென்றார். அந்த வழியாக வந்த வாகனம் அவர் மீது மோதியது. இதில் தூக்கி வீசப்பட்ட செல்வராஜ் படுகாயம் அடைந்தார். தர்மபுரி அரசு ஆஸ்பத்திரியில் சேர்க்கப்பட்ட அவர், சிகிச்சை பலன் அளிக்காமல் பரிதாபமாக இறந்தார். விபத்து குறித்து நாகரசம்பட்டி போலீசார் வழக்குப்பதிவு செய்து விசாரணை நடத்தினர்.