<
ஆரணியில் கொலை முயற்சி வழக்கில் 2 பேருக்கு தலா 5 ஆண்டு சிறை
ஆரணியில் நடந்த கொலை முயற்சி வழக்கில் 2 பேருக்கு தலா 5 ஆண்டு சிறை தண்டனை வழங்கி ஆரணி கோர்ட்டு தீர்ப்பளித்தது.
ஆரணி
ஆரணியில் நடந்த கொலை முயற்சி வழக்கில் 2 பேருக்கு தலா 5 ஆண்டு சிறை தண்டனை வழங்கி ஆரணி கோர்ட்டு தீர்ப்பளித்தது.
கொலை முயற்சி
ஆரணி பள்ளிக்கூட தெருவைச் சேர்ந்தவர் யோகானந்தம் (வயது 33), இவரின் தம்பி சண்முகம். இருவரும் கடந்த 17.8.2016-ந்தேதி ஆரணி பழைய பஸ் நிலையம் அருகில் உள்ள ஒரு டீக்கடை எதிரே சென்றபோது, அந்த வழியாக வந்த பள்ளிக்கூட தெருவைச் சேர்ந்த பாண்டியன், ஆரணி ஆண்டாள் சன்னதி தெருவைச் சேர்ந்த ரஞ்சித் என்ற ரஞ்சித்குமார் ஆகியோர் சேர்ந்து, யோகானந்தத்தை கத்தியால் வெட்டி கொலைவெறி தாக்குதலில் ஈடுபட்டனர்.
அதில் படுகாயம் அடைந்த யோகானந்தம் ஆரணி அரசு மருத்துவமனையில் சேர்க்கப்பட்டார். இதுகுறித்து ஆரணி டவுன் போலீசார் வழக்குப்பதிவு செய்து விசாரணை நடத்தினர்.
கடுங்காவல் சிறை
இதுகுறித்து ஆரணி கோர்ட்டில் வழக்கு தொடரப்பட்டது. நேற்று வழக்கை விசாரித்த சார்பு நீதிபதி ஜி.ஜெயவேல் தீர்ப்பளித்தார். அதில் யோகானந்தம் மீது கொலைவெறி தாக்குதல் நடத்திய பாண்டியன், ரஞ்சித் என்ற ரஞ்சித்குமார் ஆகியோருக்கு இந்திய தண்டனை சட்டம் 294 பிரிவின்படி 3 மாத சிறை தண்டனையும், 324 சட்டப்பிரிவின்படி ஒரு வருட சிறை தண்டனையும், 307 சட்டப்பிரிவின் படி தலா 5 வருட கடுங்காவல் சிறை தண்டனையை ஏக காலத்தில் தலா 5 ஆண்டு கடுங்காவல் சிறை தண்டனையும் தலா ரூ.5 ஆயிரம் அபராதமும் விதித்து தீர்ப்பளித்தார்.
இதையடுத்து பாண்டியன், ரஞ்சித்குமாரை ஆரணி டவுன் போலீசார் வேலூர் மத்திய சிறைக்கு அழைத்துச் சென்று சிறையில் அடைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
