‘தினத்தந்தி’ புகார் பெட்டி

திருச்சி மாவட்டம் மலைக்கோட்டையில் இருந்து ஸ்ரீரங்கம் செல்லும் சாலையில் உள்ள காவிரி பாலத்தில் ராட்சத பள்ளம் ஏற்பட்டு உள்ளது. இதனால் அந்த வழியாக செல்லும் இருசக்கர வாகன ஓட்டிகள் கீழே விழுந்து படுகாயம் அடைந்து வருகிறார்கள். எனவே சம்பந்தப்பட்ட துறை அதகாரிகள் இந்த பாலத்தை சீரமைக்க வேண்டும்.

பாபு, மலைக்கோட்டை, திருச்சி.

திருச்சி மாவட்டம் லால்குடி தாலுகா, சுதர் நகரில் உள்ள சாலை தற்போது பெய்த தொடர் மழையின் காரணமாக சேறும், சகதியுமாக காட்சியளிக்கிறது. இதனால் அந்த வழியாக செல்லும் வாகன ஓட்டிகள் மிகவும் சிரமம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இந்த சாலையை சீரமைக்க வேண்டும்.

கிருஷ்ணன், லால்குடி, திருச்சி.

திருச்சி மாவட்டம் திருவெறும்பூர் சட்டமன்ற தொகுதி தஞ்சை ரோடு தென்புறம் அமைந்துள்ள 65-வது வார்டில் தற்போது பெய்து வரும் தொடர் மழையின் காரணமாக குடியிருப்புகளில் மழைநீர் புகுந்து உள்ளது. மேலும், வீடுகளில் உள்ள மின்சாதன பொருட்கள் மழையால் சேதம் அடைந்து உள்ளது. எனவே சம்பந்தப்பட்ட துறை அதிகாரிகள் இப்பகுதியில் தேங்கியுள்ள மழைநீரை அகற்ற உடனடியாக நடவடிக்கை எடுக்க வேண்டும்.

வளர்மதி, திருவெறும்பூர், திருச்சி.

திருச்சி மாவட்டம் கருமண்டபம் விஸ்வாஸ் நகரில் தற்போது பெய்த தொடர் மழையின் காரணமாக கடந்த 4 நாட்களாக குடியிருப்பு பகுதிகளில் மழைநீர் தேங்கி வருகிறது. மேலும் பாம்பு உள்ளிட்ட விஷ ஜந்துகளின் நடமாட்டம் உள்ளது. இதன்காரணமாக அப்பகுதி மக்கள் சிரமம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இப்பகுதியில் ஆய்வு மேற்கொண்டு உரிய நடவடிக்கை எடுக்க வேண்டும்.

விஜின், கருமண்டபம், திருச்சி.

திருச்சி மாவட்டம் 62-வது வார்டு வடக்கு காட்டூர் பாரதிதாசன் 10-வது தெருவில் சாக்கடை வசதி இல்லாத காரணத்தால் மழைநீர் தேங்கி உள்ளது. இதனால் இப்பகுதியில் வசிக்கும் பொதுமக்கள் அவதியடைந்து வருகிறார்கள். எனவே மழைநீரை அகற்றுவதுடன், இப்பகுதியில் சாக்கடை வசதி ஏற்படுத்தி தர வேண்டும்.

மணியழகன், திருச்சி

திருச்சி மாவட்டம் எடமலைப்பட்டி புதூர் கிருஷ்ணாபுரம் சோதனைச்சாவடி அருகே உள்ள குடியிருப்பு பகுதிகளில் மழை நீர் தேங்கி உள்ளது. இதனால் அப்பகுதி மக்கள் அவதியடைந்து வருகிறார்கள். எனவே மழைநீரை அகற்ற சம்பந்தப்பட்ட துறையினர் நடவடிக்கை எடுக்க வேண்டும்.

அம்பிகா, எடமலைப்பட்டி புதூர், திருச்சி.

திருச்சி ஜங்ஷன் மேம்பாலம் முதல் கிராப்பட்டி வரையில் சாலையின் நடுவே மின் விளக்குகள் இல்லாததால் அந்த வழியாக செல்லும் வாகன ஓட்டிகள் மிகவும் சிரமம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இப்பகுதியில் மின் விளக்குகள் அமைக்க வேண்டும்.

லூர்து, திருச்சி.