தினத்தந்தி புகர் பெட்டி

வடிகால் வசதி செய்துதரப்படுமா?

திருவாரூர் மாவட்டம் குடவாசல் பகுதியை அடுத்த செங்களிபுரம் வி.ஜி.பி.செல்வசிட்டிநகர் பகுதியில் மழைநீர் வடிகால் வசதி இல்லை. இதனால் மழைக்காலங்களில் அந்த பகுதியில் மழைநீர் குளம் போல் தேங்கி நிற்கிறது. மேலும், மழைநீருடன் கழிவுநீர் கலந்து அந்த பகுதி முழுவதும் துர்நாற்றம் வீசுகிறது. இதனால் பொதுமக்கள் மிகுந்த சிரமத்துக்குள்ளாகி வருகின்றனர் அதுமட்டுமின்றி தேங்கி கிடக்கும் மழைநீரில் கொசுக்கள் உற்பத்தியாகின்றன. இதனால் சுகாதார சீர்கேடு ஏற்பட்டு நோய் தொற்று ஏற்படும் அபாயம் உள்ளது. மேலும், தேங்கி கிடக்கும் மழைநீரில் இருந்து விஷப்பூச்சிகள் வெளியேறி வீடுகளுக்குள் புகுந்து விடுகின்றன. இதனால் அந்த பகுதியில் உள்ள பொதுமக்கள் மிகுந்த அச்சத்துடன் காணப்படுகின்றனர். எனவே, அசம்பாவிதம் எதுவும் ஏற்படும் முன்பு சம்பந்தப்பட்ட அதிகாரிகள் மேற்கண்ட பகுதியில் மழைநீர் வடிகால் வசதி செய்து தர வேண்டும் என்பதே பொதுமக்களின் கோரிக்கையாகும்.

-பொதுமக்கள், குடவாசல்.