‘தினத்தந்தி’ புகார் பெட்டியில் பதிவான மக்கள் குறைகள்

‘தினத்தந்தி’ புகார் பெட்டியில் பதிவான மக்கள் குறைகள் தொடர்பான பதிவுகள் வருமாறு:-

  தஞ்சை தாலுகா போலீஸ் நிலையம் எதிரே உள்ள சாலையோரத்தில் பொதுமக்கள் மற்றும் கடை வியாபாரிகள் பயன்பாட்டுக்காக குப்பைத்தொட்டி ஒன்று வைக்கப்பட்டிருந்தது. தற்போது இந்த குப்பைத்தொட்டி அந்த பகுதியில் இல்லை. இதனால் பொதுமக்கள் மற்றும் கடைவியாபாரிகள் சாலையேராம் குப்பைகளை போட்டு வருகின்றனர். இதன் காரணமாக அந்த பகுதி முழுவதும் துர்நாற்றம் வீசுகிறது. மேலும், குப்பைகளில் மழைநீர் தேங்கி சாக்கடை போல் காட்சி அளிக்கிறது. இதனால் சுகாதார சீர்கேடு ஏற்பட்டு நோய்த்தொற்று ஏற்படும் அபாயம் உள்ளது. எனவே, சம்பந்தப்பட்ட அதிகாரிகள் குவிந்து கிடக்கும் குப்பைகளை அகற்றவும், மீண்டும் அந்த பகுதியில் குப்பைத்தொட்டி வைக்கவும் நடவடிக்கை எடுக்க வேண்டும் என்பதே அந்த பகுதி மக்களின் கோரிக்கையாகும்.

-பொதுமக்கள், தஞ்சாவூர்.