நாமக்கல் மாவட்டத்தில் இன்று முதல் 4 நாட்களுக்கு இடியுடன் கூடிய கனமழைக்கு வாய்ப்பு-ஆராய்ச்சி நிலையம் தகவல்

நாமக்கல்:

இன்று, நாளை (ஞாயிற்றுக்கிழமை) மற்றும் 16-ந் தேதி 25 மி.மீட்டரும், நாளை மறுநாள் (திங்கட்கிழமை) 15 மி.மீட்டரும் மழை பெய்ய வாய்ப்பு உள்ளது. இன்று முதல் 4 நாட்களுக்கு மணிக்கு 5 கி.மீட்டர் வேகத்தில் காற்று வீசும். இன்று மேற்கு திசையில் இருந்தும், 16-ந் தேதி தெற்கு திசையில் இருந்தும் காற்று வீசும். அதேபோல் நாளையும், நாளை மறுநாளும் தென்மேற்கு திசையில் இருந்து காற்று வீசும். வெப்பநிலையை பொறுத்தவரையில் அதிகபட்சமாக 84.2 டிகிரியாகவும், குறைந்தபட்சமாக 71.6 டிகிரியாகவும் இருக்கும். காற்றில் ஈரப்பதம் அதிகபட்சமாக 90 சதவீதமாகவும், குறைந்தபட்சமாக 65 சதவீதமாகவும் இருக்கும்.சிறப்பு வானிலையை பொருத்தவரை வானம் பொதுவான மேகமூட்டத்துடன் காணப்படும். மேலும் நாமக்கல் மாவட்டத்தில் இன்று முதல் 4 நாட்களுக்கு இடியுடன் கூடிய கனமழை பெய்ய வாய்ப்பு உள்ளது. கடந்த வாரம் இறந்த கோழிகள் பெரும்பாலும் இறக்கை அழுகல் மற்றும் குடல்புண் நோயால் பாதிக்கப்பட்டு இறந்தது கோழியின நோய் கண்காணிப்பு மற்றும் கட்டுப்பாட்டு ஆய்வகத்தில் நடத்தப்பட்ட ஆய்வில் தெரியவந்து உள்ளது.  எனவே பண்ணையாளர்கள் கோழிகளுக்கு அளிக்கப்படும் தீவனத்தில் நுண்ணுயிர் கிருமிகளின் தாக்கம் உள்ளதா? என பரிசோதித்து அதற்கேற்ப தீவன மேலாண்மை முறைகளை கையாள வேண்டும்.இவ்வாறு அதில் கூறப்பட்டு உள்ளது.