வெள்ளை நிற காகத்தை வியந்து பார்த்த பொதுமக்கள்

வேப்பனப்பள்ளி:

வேப்பனப்பள்ளி அருகே உள்ள நாச்சிக்குப்பம் கிராமத்தில் கூட்டு சாலையில் கடந்த சில நாட்களாக கருப்பு நிற காகங்களுடன் வெள்ளை நிறத்தில் பறவை ஒன்று சுற்றித்திரிந்து கொண்டு இருந்தது. இதை கண்ட அப்பகுதி பொதுமக்கள் ஏதோ ஒரு விசித்திர பறவை வந்துள்ளதாக பரபரப்பாக பேசினர். பின்னர் அந்த பறவையை உற்று பார்த்தபோது காகங்களுடன் சுற்றித்திரிந்த பறவை வெள்ளை நிற காகம் என தெரிய வந்தது. வெள்ளை நிறத்தில் காகம் இருப்பதையும் கண்ட பொதுமக்கள் அதை வியப்புடன் பார்த்தனர்.  பின்பு இந்த வெள்ளை நிற காகமும் கருப்பு நிற காகங்களுடன் சேர்ந்து கொண்டு தற்போது இந்த பகுதியில் சுற்றி வருகிறது. இந்த வெள்ளை நிற காகத்தை காண சுற்றியுள்ள கிராமங்களை சேர்ந்த பொதுமக்கள் நாச்சிக்குப்பம் கூட்டுச்சாலை பகுதிக்கு உணவுடன் வந்து அவற்றை காகத்துக்கு வழங்கி செல்கின்றனர். இதனால் இந்த காகம் இப்பகுதியிலேயே சுற்றி பறந்து வருகிறது.