தூத்துக்குடியில்செல்போன் திருடிய 2 வாலிபர்களை போலீசார் கைது செய்தனர்

தூத்துக்குடி அண்ணாநகரைச் சேர்ந்த கிறிஸ்துதாஸ் மகன் ஆனந்த் (வயது 25). இவர் நேற்று புதிய பஸ்நிலையம் அருகே தனது இருசக்கர வாகனத்தில் செல்போனை வைத்துவிட்டு பின்னர் திரும்பி வந்து பார்க்கும்போது செல்போனை காணவில்லை. இதுகுறித்து ஆனந்த் அளித்த புகாரின் பேரில் தூத்துக்குடி வடபாகம் போலீசார் விசாரணை நடத்தினர்.

விசாரணையில், தூத்துக்குடி அண்ணாநகரைச் சேர்ந்த முத்துராஜ் மகன் விக்னேஷ் (19) மற்றும் மில்லர்புரத்தைச் சேர்ந்த சேர்மதுரை மகன் முத்துச்சாமி (19) ஆகிய 2 பேரும் சேர்ந்து ஆனந்தின் செல்போனை திருடியது தெரியவந்தது. இதுகுறித்து சப்-இன்ஸ்பெக்டர் சுந்தர்சிங் வழக்குப்பதிவு செய்து விக்னேஷ், முத்துசாமி ஆகிய இருவரையும் கைது செய்தார். மேலும் அவர்களிடம் இருந்து திருடப்பட்ட ரூ.18 ஆயிரம் மதிப்பிலான செல்போனையும் பறிமுதல் செய்தார்.