<
மீன் குட்டையில் தவறி விழுந்த மூதாட்டி பலி
மீன் குட்டையில் தவறி விழுந்த மூதாட்டி பலி
வாலாஜா
வாலாஜாவை அடுத்த திருமலைச்சேரி காலனி பஜனை கோவில் தெருவை சேர்ந்தவர் பஞ்சம்மாள் (வயது 77). இவருக்கு 4 மகன்கள், 3 மகள்கள் உள்ளனர். அனைவருக்கும் திருமணம் ஆகிவிட்டது. இதில் கடைசி மகனான பாஸ்கருடன் பஞ்சம்மாள் வசித்து வந்தார். பாஸ்கர் தனது வீட்டின் பின்புறத்தில் மீன் குட்டை ஒன்றை அமைத்து அதில் மீன்களை வளர்த்து வருகிறார்.
அடிக்கடி மீன் குட்டை அமைந்துள்ள பகுதிக்கு பஞ்சம்மாள் செல்வது வழக்கம். அதன்படி நேற்று முன்தினம் அவர் மீன் குட்டையை ஒட்டி நடந்து சென்றபோது கால் தவறி மீன் குட்டையில் விழுந்துவிட்டார். அப்போது அங்கு யாரும் இல்லை. தண்ணீரில் தத்தளித்த அவர் குட்டையில் மூழ்கி பரிதாபமாக உயிரிழந்தார். நீண்ட நேரமாகியும் தனது தாயை காணவில்லை என பாஸ்கர் தேடி உள்ளார். அப்போது குட்டை அருகே சென்று பார்த்தபோது பஞ்சம்மாள் பிணமாக கிடந்ததை கண்டு அதிர்ச்சி அடைந்தார்.
இதுகுறித்து தகவல் அறிந்த வாலாஜா போலீசார் சம்பவ இடத்துக்கு சென்று உடலை கைப்பற்றி பிரேத பரிசோதனைக்காக வாலாஜா அரசு மருத்துவமனைக்கு அனுப்பி வைத்தனர். மேலும் போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
