<
மேட்டூர் அருகே பயங்கரம்: லாரி டிரைவர் வெட்டிக்கொலை-மர்மநபர்கள் வெறிச்செயல்
மேட்டூர் அருகே லாரி டிரைவர் வெட்டிக்கொலை செய்யப்பட்டார். மர்மநபர்கள் இந்த வெறிச்செயலில் ஈடுபட்டுள்ளனர்.
மேட்டூர்:
மேட்டூர் அருகே லாரி டிரைவர் வெட்டிக்கொலை செய்யப்பட்டார். மர்மநபர்கள் இந்த வெறிச்செயலில் ஈடுபட்டுள்ளனர்.
இந்த பயங்கர கொலை பற்றி போலீஸ் தரப்பில் கூறப்பட்டதாவது;-
லாரி டிரைவர் கொலை
மேட்டூரை அடுத்த காவேரி கிராஸ் பகுதியை சேர்ந்தவர் செல்ல வேலு (வயது34). லாரி டிரைவரான இவருக்கு இன்னமும் திருமணம் ஆகவில்லை. நேற்று மாலையில் கிழக்கு, மேற்கரை கால்வாய் கரை பகுதியில் செல்ல வேலு வெட்டுக்காயங்களுடன் இறந்து கிடந்தார். மர்மநபர்கள் இந்த வெறிச்செயலில் ஈடுபட்டுள்ளனர்.
தகவல் அறிந்த மேட்டூர் போலீசார் விரைந்து வந்தனர். செல்ல வேலு உடலை மீட்டு மேட்டூர் அரசு ஆஸ்பத்திரிக்கு பிரேத பரிசோதனைக்கு அனுப்பி வைத்தனர். கொலை நடந்த இடத்தை பார்வையிட்ட போலீசார் இதுதொடர்பாக விசாரணையை முடுக்கி விட்டுள்ளனர்.
காரணம் என்ன?
இதுகுறித்து வழக்குப்பதிவு செய்த போலீசார் கொலைக்கான காரணம் குறித்தும், கொலையாளிகள் குறித்தும் விசாரித்து வருகின்றனர்.
செல்ல வேலுவுக்கும், வேறு யாருக்கும் முன்விரோதம் ஏதும் இருந்துள்ளதா என்ற விவரங்களையும் போலீசார் சேகரித்து வருகின்றனர். மேட்டூர் அருகே லாரி டிரைவர் வெட்டிக் கொலை செய்யப்பட்ட சம்பவம் அந்த பகுதியில் பரபரப்பை ஏற்படுத்தியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
