<
மின்மோட்டார்கள் வெள்ளத்தில் மூழ்கியதால் குடிநீர் வழங்குவதில் சிக்கல்
மின்மோட்டார்கள் வெள்ளத்தில் மூழ்கியதால் குடிநீர் வழங்குவதில் சிக்கல்
நெமிலி
ராணிப்பேட்டை மாவட்டம் பனப்பாக்கம் பேரூராட்சியில் 15 வார்டுகளில் வசிக்கும் பொதுமக்களின் குடிநீர் தேவைக்காக களத்தூர் பாலாறு கரையோரம் உள்ள கிணற்றில் இருந்து குழாய்கள் மூலம் குடிநீர் வழங்கப்பட்டு வந்தது. தற்போது பெய்துவரும் தொடர் மழையால் பாலாற்றில் அதிக வெள்ளப்பெருக்கு ஏற்பட்டுள்ளது. அதன் மூலமாக களத்தூர் ஏரி நிரம்பி உள்ளது.
வெள்ளப் ெபருக்கால் பனப்பாக்கம் பேரூராட்சிக்கு குடிநீர் வழங்கும் கிணறு, நீரேற்றும் அறை மற்றும் மின்மோட்டார்கள் அனைத்தும் வெள்ளத்தில் மூழ்கின. இதனால் மின்மோட்டார்களை இயக்கி பனப்பாக்கம் பேரூராட்சிக்கு குடிநீர் வழங்க முடியாத நிலை உள்ளது.
மேலும் தற்காலிகமாக பனப்பாக்கம் பேரூராட்சியில் உள்ள 6 ஆழ்துளை கிணறுகள் மூலம் குடிநீர் வழங்க பேரூராட்சியின் சார்பில் மாற்று ஏற்பாடு செய்யப்பட்டுள்ளது. எனவே பொதுமக்கள் குடிநீரை சிக்கனமாகவும், நன்கு காய்ச்சி வடிகட்டி குடிக்குமாறு பேரூராட்சி நிர்வாகம் சார்பில் ஒலிப்பெருக்கி மூலம் தெரிவிக்கப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
