தினத்தந்தி புகார் பெட்டி

பன்றிகள் தொல்லை

மயிலாடுதுறை மாவட்டம் செம்பனார்கோவில் ஒன்றியம் பரசலூர் ஊராட்சியில் கடைகள் மற்றும் வீடுகள் அதிகம் உள்ளன. இதனால் பொதுமக்கள் கூட்டம் அதிக அளவில் இருக்கும். இந்தநிலையில் பன்றிகள் கூட்டம், கூட்டமாக தெருவில் சுற்றித்திரிகின்றன. மேலும் வீடுகளின் கொல்லைபுறங்களில் பன்றிகள் புகுந்து காய்கறி செடிகளை நாசப்படுத்தி விடுகின்றன. இதனால் சுகாதார சீர்கேடு ஏற்படும் அபாயம் ஏற்பட்டுள்ளது. இதுபற்றி சம்பந்தப்பட்ட அதிகாரிகளிடம் பலமுறை புகார் தெரிவித்தும் எந்தவித நடவடிக்கையும் எடுக்கவில்லை. எனவே அதிகாரிகள் உடனடியாக பன்றிகளை பிடிக்க நடவடிக்கை எடுக்க வேண்டும் என்று பொதுமக்கள் எதிர்பார்க்கிறார்கள்.

கிராம மக்கள், பரசலூர்.

----