புதுச்சத்திரம் அருகே பள்ளி மாணவி விஷம் குடித்து தற்கொலை

நாமக்கல்:

நாமக்கல் மாவட்டம் புதுச்சத்திரம் அருகே உள்ள ஏளூர் புதுப்பட்டி பகுதியை சேர்ந்தவர் குமார். இவருடைய மகள் மவுனிஷா (வயது 14). இவர் தனியார் பள்ளி ஒன்றில் 9-ம் வகுப்பு படித்து வந்தார். மாணவி சரியாக படிக்கவில்லை என கூறப்படுகிறது. இதனால் பெற்றோர் நன்றாக படிக்கும்படி அறிவுறுத்தி உள்ளனர்.

இதனால் மனம் உடைந்த மாணவி கடந்த 18-ந் தேதி வீட்டில் யாரும் இல்லாத நேரத்தில் விஷம் குடித்து விட்டார். உயிருக்கு போராடிய அவரை மீட்டு கோவை அரசு மருத்துவ கல்லூரி மருத்துவமனையில் சேர்த்தனர். அங்கு சிகிச்சை பலனின்றி நேற்று காலையில் மவுனிஷா பரிதாபமாக இறந்தார். இந்த தற்கொலை சம்பவம் குறித்து புதுச்சத்திரம் போலீசார் வழக்குப்பதிவு செய்து விசாரணை நடத்தி வருகின்றனர்.