விபத்தில் ஒருவர் பலி

காரியாபட்டி, 

மதுரை, அரசரடி குடிசை மாற்று வாரியத்தில் குடியிருந்து வருபவர் பாலசுப்பிரமணியன் (வயது 45). இவரும் மதுரை ஜெய்ஹிந்த்புரம் நேதாஜி நகரை சேர்ந்த சரண்ராஜ் (22) ஆகிய இருவரும் மோட்டார் சைக்கிளில் மதுரையில் இருந்து அருப்புக்கோட்டை அருகே உள்ள கோவிலாங்குளத்தில் உள்ள உறவினர் இறந்த வீட்டிற்கு துக்கம் விசாரிக்க வந்தனர். பின்னர் அவர்கள் திரும்பி சென்ற போது காரியாபட்டி பைபாஸ் சாலையில் மோட்டார் சைக்கிள் கட்டுப்பாட்டை இழந்து சாலையின் தடுப்பு சுவரில் மோதியதில் பாலசுப்பிரமணியன் சம்பவ இடத்திலேயே பலியானார். சரண்ராஜ்க்கு காயம் ஏற்பட்டு காரியாபட்டி அரசு மருத்துவமனையில் சிகிச்சை பெற்று வருகிறார். இதுகுறித்து தகவல் அறிந்த   காரியாபட்டி போலீசார் இறந்த பாலசுப்பிரமணியனின் உடலை மீட்டு பிரேத பரிசோதனைக்காக அருப்புக்கோட்டை அரசு மருத்துவமனைக்கு அனுப்பி வைத்தனர். இந்த விபத்து குறித்து காரியாபட்டி போலீசார் வழக்குப்பதிவு செய்து விசாரணை செய்து வருகின்றனர்.