லாரி திருடியவர் கைது

சங்ககிரி:

சங்ககிரி அருகே நாகிசெட்டிபட்டி பகுதியை சேர்ந்தவர் கார்த்திக் (வயது 37), லாரி டிரான்ஸ்போர்ட் தொழில் செய்து வருகிறார். இவர், தனது லாரியை வருதம்பட்டியில் உள்ள பெட்ரோல் பங்க் அருகில் நிறுத்தி வைத்து இருந்தார். அந்த லாரி திடீரென காணாமல் போனது. இதுகுறித்து பெட்ரோல் பங்க் காசாளர் மதன்குமார், கார்த்திக்கிடம் லாரி காணாதது குறித்து செல்போனில ்தகவல் தெரிவித்தார். கார்த்திக், லாரியில் பொருத்தி இருந்த ஜி.பி.எஸ்.கருவி மூலம் அது இருக்கும் இடத்தை கண்டுபிடித்தார். அதாவது, லாரி காரிப்பட்டி டோல்கேட் அருகில் நிறுத்தப்பட்டு இருந்தது. இதுகுறித்த புகாரின் பேரில் சங்ககிரி போலீசார் வழக்குப்பதிவு செய்து விசாரணை நடத்தினர். அப்போது கர்நாடக மாநிலத்தை சேர்ந்த முகமது கரீமுல்லா (36) என்பவர் லாரியை திருடி சென்றது தெரிய வந்தது. அவரை போலீசார் கைது செய்து லாரியை மீட்டனர்.