புதுக்கோட்டை அருகே, சப்-இன்ஸ்பெக்டர் படுகொலை சம்பவம்: பள்ளி மாணவர்கள் உள்பட 3 பேர் கைது பரபரப்பு தகவல்கள்

சப்-இன்ஸ்பெக்டர் கொலை சம்பவம் போலீசார், பொதுமக்களிடையே பெரும் அதிர்ச்சியை ஏற்படுத்திய நிலையில் கொலையாளிகளை பிடிக்க காவல்துறையினர் பல்வேறு கோணங்களில் விசாரணை மேற்கொண்டனர். மேலும் தனிப்படைகளை ஒவ்வொன்றாக அமைத்து ஒவ்வொருவருக்கும் தனித்தனி வேலைகளை பிரித்து கொடுத்தனர். அந்த வகையில் பூமிநாதனின் செல்போனில் பதிவான அழைப்பு எண் மூலம் துப்பு கிடைத்ததில் அதனை நூல்பிடித்து விறு, விறுவென விசாரித்து சம்பந்தப்பட்ட நபர்களை பிடித்து கைது செய்தனர். மேலும் அவர்கள் பதுங்கியிருந்த இடத்தையும் கண்டறிந்து தூக்கினர். இந்த கொலை சம்பவத்தில் உண்மையான கொலையாளிகளை கைது செய்திருப்பதாக போலீசார் தெரிவித்தனர்.