<
பொக்லைன் டிரைவர் அடித்துக்கொலை
திருவண்ணாமலை அருகே பொக்லைன் எந்திர டிரைவர் அடித்துக்கொலை செய்யப்பட்டார். இதுதொடர்பாக 2 பேரை போலீசார் கைது செய்தனர்.
திருவண்ணாமலை
திருவண்ணாமலை அருகே பொக்லைன் எந்திர டிரைவர் அடித்துக்கொலை செய்யப்பட்டார். இதுதொடர்பாக 2 பேரை போலீசார் கைது செய்தனர்.
டிரைவர் அடித்துக்கொலை
திருவண்ணாமலை தாலுகா மங்கலம் அருகே உள்ள அமங்கல ஓடை பகுதியை சேர்ந்தவர் ஏழுமலை (வயது 37), பொக்லைன் டிரைவர். அவரது மனைவி பச்சையம்மாள். இவர்களுக்கு ஒரு மகன், ஒரு மகள் உள்ளனர்.
ஏழுமலைக்கும், அவரது மாமியாருக்கும் இடையே குடும்ப பிரச்சினை காரணமாக கருத்து வேறுபாடு இருந்ததாக கூறப்படுகிறது.
நேற்று முன்தினம் இரவு ஏழுமலை மங்கலத்தை அடுத்துள்ள ஆனந்தல் கிராமம் முல்லை நகர் பகுதியில் உள்ள மாமியார் வீட்டிற்கு குடிபோதையில் சென்றுள்ளார்.
பின்னர் அவரது மாமியாரிடம் தகராறு செய்ததாக தெரிகிறது. இதனை அதே பகுதியை சேர்ந்த பச்சையம்மாள் தம்பி ஏழுமலை (26) மற்றும் பச்சையம்மாளின் தங்கை கணவர் முத்துராமன் (43) ஆகியோர் தட்டிக் கேட்டுள்ளனர்.
தொடர்ந்து தகராறு முற்றவே ஆத்திரமடைந்த அவர்கள் கட்டையால் பச்சையம்மாளின் கணவர் ஏழுமலையை தாக்கியுள்ளனர். இதில், அவர் சம்பவ இடத்திலேயே பரிதாபமாக உயிரிழந்தார்.
2 பேர் கைது
இதுகுறித்து தகவல் அறிந்ததும் மங்கலம் போலீசார் சம்பவ இடத்திற்கு சென்று, ஏழுமலையின் உடலை மீட்டு பிரேத பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர்.
மேலும் இந்த சம்பவம் குறித்து போலீசார் வழக்குப்பதிவு செய்து முத்துராமன், ஏழுமலையை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
