<
ஓசூர் சூளகிரியில் வெவ்வேறு விபத்துகளில் தொழிலாளி உள்பட 2 பேர் சாவு
ஓசூர் சூளகிரியில் நடந்த வெவ்வேறு விபத்துகளில் தொழிலாளி உள்பட 2 பேர் இறந்தனர்.
ஓசூர்:
ஓசூர் சூளகிரியில் நடந்த வெவ்வேறு விபத்துகளில் தொழிலாளி உள்பட 2 பேர் இறந்தனர்.
தொழிலாளி
ஓசூர் திகிலர்பேட்டை பகுதியை சேர்ந்தவர் ஜெகதீஷ் (வயது 49). கூலித் தொழிலாளி. சம்பவத்தன்று இவர் ஓசூர்-பெங்களூரு தேசிய நெடுஞ்சாலையில் ஜூஜூவாடி அருகில் நடந்து சென்று கொண்டு இருந்தார். அப்போது அந்த வழியாக சென்ற கார் அவர் மீது மோதியது.
இதில் படுகாயம் அடைந்த ஜெகதீஷ் சம்பவ இடத்திலேயே பலியானார். இது குறித்து சிப்காட் போலீசாருக்கு தகவல் தெரிவிக்கப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.
விவசாயி
சூளகிரி அருகே உள்ள குண்டுகுறுக்கியை சேர்ந்தவர் வேணு (38). விவசாயி. சம்பவத்தன்று இவர் ஓசூர் -கிருஷ்ணகிரி தேசிய நெடுஞ்சாலையில் நடந்து சென்று கொண்டிருந்தார். குருபராத்பள்ளி பஸ் நிறுத்தம் அருகில் சென்ற போது, அந்த வழியாக சென்ற வாகனம் அவர் மீது மோதியது. இதில் வேணு பலத்த காயம் அடைந்தார்.
அக்கம் பக்கத்தினர் அவரை மீட்டு சிகிச்சைக்காக ஓசூர் அரசு ஆஸ்பத்திரிக்கு கொண்டு சென்றனர். ஆனால் வழியிலேயே வேணு பரிதாபமாக இறந்தார். இது குறித்த புகாரின் பேரில் சூளகிரி போலீசார் வழக்குப்பதிவு செய்து வேணு மீது மோதிய வாகனம் குறித்து விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
