கோவில்பட்டியில் ரெயில் தண்டவாளத்தில் இளம்பெண் பிணம்

கோவில்பட்டி திலகர்நகர் பகுதியில் உள்ள ரெயில்வே தண்டவாள பகுதியில் இளம்பெண் பிணமாக கிடப்பதாக தூத்துக்குடி ரெயில்வே போலீசாருக்கு தகவல் கிடைத்து. இதன் பேரில் சப்-இன்ஸ்பெக்டர் தர்மராஜ், ஏட்டு அருண்குமார் ஆகியோர் சம்பவ இடத்திற்கு சென்று விசாரணை நடத்தினா். சுமார் 20 வயது மதிக்கத்தக்க இளம்பெண் முகம் சிதைந்த நிலையில் பிணமாக கிடந்தார். அவர் யார்? எந்த ஊரைச் சேர்ந்தவர் என்ற விவரம் தெரியவில்லை

நேற்று அதிகாலை 6.30 மணிக்கு மும்பையில் இருந்து நாகர்கோவில் சென்ற ரெயிலில் அவர் அடிபட்டு இறந்துள்ளது முதற்கட்ட விசாரணையில் தெரியவந்தது. போலீசார் அவரது உடலை கைப்பற்றி பிரேத பரிசோதனைக்காக கோவில்பட்டி அரசு ஆஸ்பத்திரிக்கு அனுப்பி வைத்தனர். இதுகுறித்து ரெயில்வே போலீசார் வழக்குப்பதிவு செய்து அவர் யார்?  தண்டவாளத்தை கடக்கும் போது ரெயிலில் அடிபட்டு இறந்தாரா? அல்லது ரெயில் முன் பாய்ந்து தற்கொலை செய்து கொண்டாரா? அல்லது அவரது சாவுக்கு வேறு காரணம் ஏதும் உள்ளதா? என விசாரணை நடத்தி வருகின்றனர்.